ღონისძიებები E-mail

 

ნოემბერი 2012 - *ბავშვების მოგზაურობა სამგანზომილებიან სივრცეში*. 2012 წლის 18 ნოემბერს მოსწავლეებმა ქალაქ იასიონკადან, რომელიც მდებარეობს ლუბლინის რეგიონში (პოლონეთი), მონაწილეობა მიიღეს უორქშოფების პირველ სერიაში, რომელიც ორგანიზებული იქნა მულტიკულტურული პროექტის *სამგანზომილებიანი კალენდარი*  ფარგლებში და მომზადდა ყოფილ ევროპელ მოხალისეთა გუნდის მიერ ასოციაციის "ტრამპოლინა, ყოფილი პოლონელი EVS მოხალისეები" და ევროკავშირის ფინანსური მხარდაჭერით. ოზურგეთიდან  პოლონეთში დაბრუნების შემდეგ აგატა ვესოლოვსკამ, იოლა გოზდიკმა, იურგა კრაუჟლისმა და კუბა სევერინმა თავიანთი საქმიანობა გააგრძელეს ახალგაზრდებთან მიმართებაში და დაიწყეს თანამშრომლობა მოსწავლეებთან: ქალაქ იოსიონკას მაცხოვრებლებთან, "დებაკის ლტოლვილთა ცენტრსა" და ლანჩხუთის დღის ცენტრ "იავნანას" ბავშვებთან. პროექტის ძირითადი მიზანია ახალგაზრდების ცნობიერების ამაღლება განსხვავებული კულტურებისა და რელიგიების შესახებ და ჩვენება თუ რამდენად ლამაზია ეს მრავალფეროვნება. რადგანაც განსხვავებულობა კი არ უნდა იქნას გაზიარებული, არამედ მას უნდა შეუერთდეს ხალხი. ყოფილმა მოხალისეებმა  მიზნად დაისახეს წაეხალისებინათ ერთმანეთი, რომ დაემსხვრიათ უარყოფითი სტერეოტიპების ბარიერები. მონაწილეთა სამი ჯგუფის მაგალითზე თანამშრომლობის დაფუძნება და კალენდარის ერთობლივი შექმნა, რომლის დროსაც მხედველობაშია მისაღები განსხვავებული კულტურის (პოლონური, ქართული და ჩეჩნური) მნიშვნელოვანი თარიღები და ასევე განსხვავებული რელიგიური (მართლმადიდებლური, კათოლიკური და მუსლიმანური) დღესასწაულები. პროექტის ყოველი მონაწილე ჯგუფებმა მიიღო ამოცანა, რომ მოახდინონ ვიზუალიზაცია ისეთი სპეციფიკური საკითხებისა, როგორიცაა: ტოლერანტობა, მრავალფეროვნება, განსხვავებული კულტურები, პატივისცემა და სხვ. მათი საქმიანობის შედეგი იქნება პატარა მხატვრული სურათები, რომელიც შექმნის "სამგანზომილებიან კალენდარს". იასიონკაში წარმოებული უორქშოფების შედეგად ახალგაზრდებმა განავითარეს თავიანთი უნარ-ჩვევები  გრაფიკის კუთხით, რომლის წარმმართველი საკითხები იყო: ჩემი კულტურა, ჩემი არდადეგები, ჩემი ქვეყანა, ჩემი რეგიონი, ჩემი ქალაქი. 2012 წლის 22 ნოემბერს მსგავსი უორქშოფი ჩატარდა ლანჩხუთში "სტუდენტურ-ახალგაზრდული სათათბიროს" ბაზაზე მომუშავე EVS მოხალისეებთან თანამშრომლობით. აგატა ვესოლოვსკამ, რომელიც საქართველოში პოლონეთიდან ჩამოვიდა, აღნიშნა: "ბედნიერები ვბრუნდებით უკან დღის ცენტრ იავნანას აღსაზრდელებთან. უდიდესი სიამოვნებაა ასეთ მგრძნობიარე ბავშვებთან  მუშაობა, ასევე საინტერესოა იყო "სტუდენტურ-ახალგაზრდული სათათბიროს" პარტნიორობა, რომელიც ტექნიკური საკითხების მოგვარებაში დაგვეხმარა. განსაკუთრებული მადლობა მინდა გადავუხადო მოხალისეებს: კასიას და ნატაშას, რომლებმაც უორქშოფების წარმართვაში გაგვიწიეს დახმარება. ....და ბოლოს, 2012 წლის დასასრულს გამგანზომილებიანი კალენდარი უკვე გამოიცემა.

ნოემბერი 2012 - პროგრამის "ევროპის მოხალისეობრივი სერვისი" ფარგლებში განხორციელებული პროექტის *მოხალისეები გდინიასთვის 2012* (მოხალისეთა მასპინძელი ორგანიზაცია "ახალგაზრდობის თანამშრომლობისა და მობილურობის ცენტრი" - პოლონეთი) ეგიდით უზუნველყოფილი იქნა საინფორმაციო ლიფლეტის გამოცემა, რომელშიც ასახულია ძირითადი ინფორმაცია პროგრამის "ახალგაზრდობა მოქმედებაში" და "ახალგაზრდული ფანჯარა" შესახებ. ლიფლეტით წარმოდგენილია ქართულ ენაზე თარგმნილი ინფორმაცია აღნიშნული პროგრამის მიზნებისა და შესაძლებლობების შესახებ. საქართველოში მოქმედ დაინტერესებულ ორგანიზაციებს შეუძლიათ მოგვმართონ ლიფლეტების მისაღებად. INFO

16 იანვარი 2012 - პოლონელი მოხალისეების ინიციატივით ორგანიზებული იქნა საქველმოქმედო აქცია სლოგანით *შენმა ძველმა სათამაშომ შეიძლება ვიღაცის ცხოვრება შეცვალოს უკეთესობისაკენ* . მათ შეაგროვეს საკმაოდ ბევრი ძველი (და ასევე ახალი) სათამაშო და გადასცეს ბავშვებს.

13 იანვარი 2012 - EVS მოხალისეებმა "ქალთა განვითარების რეგიონულ ორგანიზაციასთან ერთად" (დვაბზუ) ორგანიზება გაუკეთეს *ქართული ახალი წლი“ ძველი წესით* ზეიმს სოფელ დვაბზუში, სადაც წარმოდგენილი იქნა ცეკვები, სიმღერები და ლექსები. ღონისძიების მიზანი იყო არა მხოლოდ დვაბზუს მაცხოვრებელთა შეკრება გართობის მიზნით, არამედ ადგილობრივ მოხუცთა მხარდაჭერაც. თანხა, რომელიც შეგროვდა ღონისძიების დროს (გათამაშებული ლატარეისა და ტკბილეულის გაყიდვის შედეგად)  მოხმარდა გაჭირვებაში მყოფი მოხუცებისათვის  საჩუქრების შეძენას.

4 დეკემბერი 2011 - EVS მოხალისეებმა "ევროკლუბის" წევრებთან ერთად, ასევე ტყიბულის მოხალისეების მხარდაჭერით მოამზადეს "მოხალისის საერთაშორისო  დღისადმი" მიძღვნილი ზეიმი, სადაც ორგანიზებული იქნა *მოხალისეების აღლუმი* - აქვე მოეწყო მოხალისეობის თემაზე მიძღვნილი გამოფენა და ფეხბურთის ჩემპიონატი, რომლის ძირითადი მიზანი იყო მოხალისეობის პოპულარიზაცია ახალგაზრდებს შორის. აღნიშნული ღონისძიების მიზანი იყო ეჩვენებინა  და განემარტა ადგილობრივი საზოგადოებისთვის თუ რამდენად მნიშვნელოვანი იყო მოხალისეობა სოციალური, ეკონომიკური და პირადი თვალსაზრისით ჩვენს თემებში და მოხალისეობას და მოხალისეებს შეეძლო ჩვენი ცხოვრების უკეთესობისაკენ შეცვლა.

22 ნოემბერი 2011 - "ევროკლუბის" წევრებმა EVS მოხალისეების მხარდაჭერით მოამზადეს *ფლეშმობი* - ღონისძიების მიზანი იყო ადგილობრივი საზოგადოებისთვის ეჩვენებინათ, რომ ახალგაზრდებს არ გააჩნია ადგილი, სადაც ისინი შეძლებდნენ თავისუფალი დროის გატარებას სკოლის შემდეგ. *ფლეშმობი* იყო რუხი და მოსაწყენი რეალობის ერთგვარი პროტესტის გამოხატვა.

11 ნოემბერი 2011 - პოლონელი მოხალისეების ინიციატივით ოზურგეთში გაიმართა *პოლონეთის დღე* - პოლონეთის დამოუკიდებლობის დღესთან დაკავშირებით. პოლონელმა მოხალისეებმა და "ევროკლუბის" წევრებმა მოახდინეს ღონისძიების ორგანიზება, რომელიც მიზნად ისახავდა პოლონური კულტურის პოპულარიზაციას და ადგილობრივი საზოგადოების ცნობიერების ამაღლებას  პოლონეთთან დაკავშირებით. აღნიშნულ დღეს მოხალისეები და "ევროკლუბის" წევრები ატარებდნენ წითელი და თეთრი ფერის სამოსს, მომზადდა პოლონური კერძები და შესრულებული იქნა პოლონური სიმღერები. ოზურგეთელ მოქალაქეებს ჰქონდათ შესაძლებლობა გაესინჯათ პოლონური სამზარეულო და შეესწავლათ მცირე რამ პოლონეთსა და მის კულტურაზე.

6-7 ნოემბერი 2011 - EVS მოხალისეების ინიციატივით "ევროკლუბის" წევრებთან ერთად შეიქმნა ორი მოკლემეტრაჟიანი ვიდეოფილმი ადამიანთა უფლებების თემაზე. ორივე ფილმი გაიგზავნა ფილმების კონკურსზე მონაწილეობის მისაღებად, რომელიც ორგანიზებული იქნა საქართველოში გაეროს ოფისის მიერ.     VIDEO 1     VIDEO 2

14-15 აპრილი 2011 - პროექტის *ქალაქის მდგრადი განვითარება* ფარგლებში ჩატარდა პროექტის პარტნიორების სამუშაო შეხვედრა ქალაქ უკრაინკაში. შეხვედრაზე შეჯამებული იქნა პროექტის განხორციელების პირველი ეტაპი, მიმდინარე ტრენინგ პროგრამა და დაისახა სამომავლო გეგმები. 

2 აპრილი 2011 - "UNITED საერთაშორისო ქსელის" ევროპის კვირეულის ფარგლებში მოეწყო  კონკურსი  მოსწავლეებისათვის, რომლის ორგანიზატორიც იყო ახალგაზრდული კავშირი "ევროკლუბი" , კონკურსის თემა იყო სხვადასხვა რეგილიები და უმცირესობები, რომლებიც საქართველოში ცხოვრობენ. ღონისძიების დროს, მოსწავლეებმა მიიღეს ინფორმაცია "UNITED საერთაშორისო ქსელისა" და ევროპული კვირეულის შესახებ, რომელიც მიმართული იყო რასიზმის წინააღმდეგ. გავრცელებული იქნა მონაწილეების მიერ გამოცემული სპეციალური ლიფლეტი და UNITED საერთაშორისო ქსელის პოსტერები.

1 აპრილი 2011 - ამოქმედდა სამუშაო ჯგუფი პროექტის *ქალაქის მდგრადი განვითარება* ფარგლებში, რომელიც იმუშავებს ქალაქის სოციალურ-ეკონომიკური განვითარების სტრატეგიის შემუშავებაში. ჯგუფის შემადგენლობაში შედიან ოზურგეთის მუნიციპალიტეტის საკრებულოს და გამგეობის წარმომადგენლები, ოზურგეთის რწმუნებულის აპარატისა, საზოგადოებრივი კავშირებისა და მედიის წარმომადგენლები. 

26 მარტი 2011  - "UNITED საერთაშორისო ქსელის" ეგიდით "სტუდენტურ-ახალგაზრდულ სათათბიროში" მომუშავე ევროპელი მოხალისის სილვია სკჟიფჩიკის ინიციატივით მოეწყო ტრენინგი  სახელწოდებით *ინტერკულტურული სწავლება და სტერეოტიპები*. ღონისძიებაში მონაწილეობას იღებდნენ ოზურგეთის სხვადასხვა საჯარო სკოლის მოსწავლეები, რომლებმაც შეისწავლეს კულტურასთან, კულტურულ სხვადასხვაობებთან, რელიგიებთან, ჩვეულებებთან  და სტერეოტიპებთან დაკავშირებული საკითხები.

23 მარტი 2011 - ოფიციალური რეგისტრაცია გაიარა ახალგაზრდულმა კავშირმა "ევროკლუბმა". 2008 წლიდან ის არსებობდა როგორც "სათათბიროს" ბაზაზე მომუშავე ახალგაზრდული ჯგუფი, მაგრამ მისი საქმიანობის უფრო მეტად გააქტიურებისა და განვრცობის მიზნით მიღებული იქნა გადაწყვეტილება, რომ ცალკე ორგანიზაციად ჩამოყალიბებულიყო და დამოუკიდებლად ეწარმოებინა საქმიანობა.

17-20 მარტი 2011 - პროექტის *ქალაქის მდგრადი განვითარება* ფარგლებში დაიწყო ტრენინგ კურსების ჩატარება ოზურგეთის მუნიციპალიტეტის თვითმმართველობის და მოქმედი საზოგადოებრივი კავშირების წარმომადგენლებისათვის. 17-18 მარტს ჩატარდა ტრენინგი თემაზე "სტრატეგიული დაგეგმარება", რომელიც ძირითადად განკუთვნილი იყო ოზურგეთის მუნიციპალიტეტის წარმომადგენლებისათვის, რომლის დროსაც განხილული იქნა სტრატეგიული დაგეგმარების ძირითადი პრინციპები და ტექნოლოგიები. ტრენინგის ჩატარება უზრუნველყო მინდია სალუქვაძემ – ტრენერმა და ექსპერტმა ადგილობრივი თვითმმართველობის საკითხებში. ხოლო 19-20 მარტს გაიმართა ტრენინგ კურსი "პროექტების მართვა" ოზურგეთში მოქმედი საზოგადოებრივი კავშირების წარმომადგენლებისათვის, ტრენინგზე განხილული იყო ისეთი საკითხები, როგორიცაა საზოგადოებრივი კავშირის სიცოცხლისუნარიანობა, პროექტების დაგეგმარება და მართვა. ტრენინგის ჩატარება უზრუნველყო "შემოქმედებით ცენტრის ტცკ"-ის ტრენერმა ოქსანა აგარკოვამ და ტრენერმა და ექსპერტმა ადგილობრივი თვითმმართველობის საკითხებში მინდია სალუქვაძემ.

15 მარტი 2011 - პროექტის *ქალაქის მდგრადი განვითრება* ფარგლებში გამოცხადებულია კონკურსი, რომელშიც მონაწილეობის მიღება შეუძლია ოზურგეთში მოქმედ საზოგადოებრივ კავშირებს. განაცხადის გაცნობისათვის თქვენ შეგიძლიათ იხილოთ: განცხადება კონკურსის შესახებ; სააპლიკაციო ფორმა; სააპლიკაციო ფორმის შევსების სახელმძღვანელო.

6-12 მარტი 2011 - "სამენეჯერო ინიციატივების ფონდის" (პოლონეთი) პროექტის *მიკროგრანტების პროგრამა საქართველოს არასამთავრობო ორგანიზაციებისათვის* (რომელიც განხორციელდა პოლონურ-ამერიკული ფონდის "თავისუფლება" პროგრამა RITA-ს მხარდაჭერით) ფარგლებში მოეწყო მიკროგრანტების კონკურსში გამარჯვებული ორგანიზაციების წამომადგენლების ვიზიტი პოლონეთში. სადაც ორგანიზებული იქნა  გამარჯვებული პროექტების პრეზენტაციები და ასევე სამუშაო გაცნობითი ვიზიტები არასამთავრობო სექტორში და სამთავრობო დაწესებულებებში.

1 მარტი 2011 - დაიწყო ევროსაბჭოს "ევროპის ახალგაზრდული ფონდის" მიერ დაფინანსებული პროექტის *ონლაინ ტრენინგ პროგრამა ადამიანთა უფლებების სფეროში ევროპული ორგანიზაციების ახალგაზრდა წევრებისათვის* განხორციელება. პროექტის ფარგლებში შესაძლებელი იქნება ნებისმიერი მსურველისათვის ონლაინ ტრენინგ კურსის გავლა. პროექტის ძირითადი განმახორციელებელია "RESPECT Refugiados" ესპანეთი, ხოლო "სათათბირო" წარმოადგენს პროექტის პარტნიორ ორგანიზაციას საქართველოდან.

14 თებერვალი 2011 - გამოვიდა გაზეთ "ნოტა ბენეს" მორიგი მე-10 ნომერი.

21 იანვარი 2011 - დასრულდა "ახალგაზრდა ლიდერთა პროგრამის" საბოლოო ეტაპი, რომელიც ითვალისწინებდა ფინალისტების გამოვლენას.  პროგრამის ფარგლებში შემოვიდა სულ 274 ანკეტა. ანკეტებში მოყვანილი პასუხების საფუძველზე "სათათბირომ" შეარჩია 30 ნახევარფინალისტი, მათ ჩაუტარდათ ტრენინგების ციკლი და შემდეგ დაიყვნენ ორ ჯგუფად და დამოუკიდებლად დაგეგმეს და განახორციელეს ღონისძიებები. მათი ჯგუფებში მუშაობის აქტივობის, ლიდერობის უნარ-ჩვევების გამოვლენის, კომუნიკაბელურობის და შემოქმედებითობის საფუძველზე შერჩეული იქნა 11 გამარჯვებული, მათ გადაეცათ დიპლომები და სამახსოვრო საჩუქრები. ფინალისტებმა ასევე მიიღეს შეთავაზება გააგრძელონ თავიანთი საქმიანობა ახალგაზრდულ კავშირ "ევროკლუბში". ფინალისტები არიან: სალომე ესაძე - ოზუგეთის # 1 საჯარო სკოლა; ნიკა კიკვაძე, ირაკლი დარჩია, დათა ხარაიშვილი, სალომე გოგუაძე, დათო ქარჩავა, იზი მგელაძე, დათო დოლიძე - ოზურგეთის # 4 საჯარო სკოლა; დოდო დოლიძე, თაკო ანდღულაძე, ირაკლი კაცაძე - ოზურგეთის გაბრიელ ეპისკოპოსის სამრევლო სასწავლებელი. ვიმედოვნებთ, რომ ისინი კიდევ ბევრ და ლამაზ ღონისძიებას შესთავაზებენ თავიანთ თანატოლებს. პროექტი "ახალგაზრდა ლიდერთა პროგრამა" მხარდაჭერილია "სამენეჯერო ინიციატივების ფონდის" (პოლონეთი) პროექტის "მიკროგრანტების პროგრამა საქართველოს არასამთავრობო ორგანიზაციებისათვის" ფარგლებში, რომელიც ხორციელდება პოლონურ-ამერიკული ფონდის "თავისუფლების" პროგრამა RITA-ს ფარგლებში.

29 დეკემბერი 2010 – "ახალგაზრდა ლიდერთა პროგრამის" ჯგუფმა "MIX" განახორციელა პროექტი "არ გასინჯო", რომლის ფარგლებშიც მომზადდა საინფორმაციო ლიფლეტები, პლაკატები და ვიდეო-კოლაჟი ნარკომანიის წინააღმდეგ. ღონისძიება მიმართული იყო ახალგაზრდებში ანტინარკოტიკული ცნობიერების ამაღლებისაკენ, სადაც მოწვეული იყვნენ როგორც თანატოლები ასევე ნარკოლოგიური განყოფილების ექიმი და ფსიქოლოგი. ღონისძიება გაიმართა ოზურგეთის საგანმანათლებლო რესურსცენტრის დარბაზში, რომელიც "ახალგაზრდა ლიდერთა პროგრამის" აქტიური მხარდამჭერია.

27 დეკემბერი 2010 - "ახალგაზრდა ლიდერთა პროგრამის" ჯგუფმა "OZU Group"-მა განახორციელა ღონისძიება "გზა უკეთესობისაკენ", რომლის ფარგლებშიც მოეწყო შეხვედრა თავის თანატოლებთან და დისკუსიის წარმართვა. ღონისძიება გაიმართა ოზურგეთის საგანმანათლებლო რესურსცენტრის დარბაზში, რომელიც "ახალგაზრდა ლიდერთა პროგრამის" აქტიური მხარდამჭერია.

26 დეკემბერი 2010 - პოლონელი მოხალისის სილვია სკჟიპჩიკის ინიციატივით, ახალგაზრდული კავშირის *ვროკლუბის* წევრები იმყოფებოდნენ ქ. ქუთაისში, სადაც მასპინძელი ორგანიზაციის სამეცნიერო-ინტელექტუალური კლუბი "თაობათა დიალოგი" დახმარებით მოეწყო მათთვის საქართველოში მცხოვრებ ებრაელთა ისტორიის გაცნობა და სინანგოგაში სტუმრობა.

25 დეკემბერი 2010 - "ახალგაზრდა ლიდერთა პროგრამის" ფარგლებში მოქმედმა ჯგუფებმა განახორციელეს ღონისძიება "მე მიყვარს ოზურგეთი", რომლის ფარგლებშიც წარიმართა სპორტული და ინტელექტუალური შეჯიბრებები, მათი საერთო თემატიკა იყო მიმართული იქეთკენ თუ რამდენად იცნობს ახალგაზრდობა თავის ქალაქს. კონკურსში მონაწილეობას იღებდა ქალაქ ოზურგეთის ტერიტორიაზე არსებული 5 საჯარო სკოლის გუნდი, ხოლო გამარჯვებული გახდა ოზურგეთის # 4 საჯარო სკოლის გუნდი. ღონისძიების განხორციელების აქტიური მხარდამჭერი იყო ახალგაზრდული კავშირი "ევროკლუბი".

1-24 დეკემბერი 2010 - *გურიის ინტელექტ კლუბის რა? სად? როდის* ნაკრებმა გუნდმა მონაწილეობა მიიღო ბათუმის საუნივერსიტეტო ინტელექტუალთა თამაშებში "რა? სად? როდის?" (სპორტული ვერსია). გუნდს მგზავრობის ხარჯებში სპონსორობა გაუწია "სათათბირომ".

3 დეკემბერი - ახალგაზრდული კავშირის "ევროკლუბის" სოფელ მერიის საჯარო სკოლის ჯგუფმა განახორციელა ღონისძიება "გვაროვნული წყობილება". ეს იყო სახალისო თამაშები სკოლაში ყველაზე მეტად გავრცელებული გვარების - გობრონიძეებისა და კეჭაყმაძეების წარმომადგენელთა მიერ შემდგარ გუნდებს შორის, რომლებიც ერთმანეთს ეჯიბრებდნენ სიმღერაში, ცეკვაში, მხატრულ კითხვაში და სხვადასხვა სახალისო თამაშებში. საბოლოოდ გამარჯვება მცირე უპირატესობით მოიპოვა გუნდმა "გობრონიძეებმა". ღონისძიების ფინანსური მხარდამჭერი იყო "სათათბირო".

25-30 ნოემბერი 2010 - "სათათბიროს" ოფისში *ახალგაზრდა ლიდერთა პროგრამის* ნახევარფინალისტებს ჩაუტარდათ ტრენინგები თემებზე: ლიდერობა და ჯგუფური მუშაობა, პრეზენტაცია და კომუნიკაცია, ადვოკატირება, ფონდრაიზინგი და პროექტების მენეჯმენტი. პროექტის განხორციელების შემდეგ ეტაპზე ისინი დაიყოფიან ჯგუფებად და ცალ-ცალკე დაგეგმავენ და განახორციელებენ ღონისძიებებს მიღებულ ცოდნაზე დაყრდნობით.

22 ნოემბერი 2010 - დასრულდა *ახალგაზრდა ლიდერთა პროგრამის* ნახევარფინალისტთა შერჩევა. პროგრამის ფარგლებში სულ შემოვიდა 274 ანკეტა, საიდანაც კომისიამ გამოავლინა 30 ნახევარფინალისტი. წლეულს *ახალგარდა ლიდერთა პროგრამაში* ყველაზე აქტიური იყვნენ ოზურგეთის # 4 საჯარო სკოლის და გაბრიელ ეპისკოპოსის სახელობის სამრევლო სკოლისა მოსწავლეები.

7-21 ნოემბერი 2010 - "გურიის ინტელქტ კლუბმა რა? სად? როდის?" ორგანიზება გაუკეთა ინტელექტუალური თამაშების ჩემპიონატს ოზურგეთის მუნიციპალიტეტის მასწავლებლებს შორის. მიუხედავად კლუბის წევრების ძალიხსმევისა, რომ რაც შეიძლება მეტ სკოლას წარმოეჩინა თავისი გუნდი, თამაშებში მხოლოდ 5 საჯარო სკოლამ გამოთქვა მონაწილეობის სურვილი, ხოლო გამარჯვება მოიპოვა ნარუჯის საჯარო სკოლის გუნდმა. ჩემპიონატი ჩატარდა ტელეკომპანია "გურიის" დარბაზში - რომელიც არის "კლუბის" ერთ-ერთი დამფუძნებელი, ხოლო ფინანსური მხარდაჭერა განახორციელა "სათათბირომ".

20 ნოემბერი 2010 - "სათათბირომ" უზრუნველყო პროგრამის *ევროპული მოხალისეობრივი სერვისი* საინფორმაციო ლიფლეტის გამოშვება. მასში განთავსებულია მოკლე ინფორმაცია პროგრამის შესახებ და ასევე ყოფილი მოხალისეების მოსაზრებანი პროგრამასთან მიმართებაში. ლიფლეტის გამოცემა კამპანიის შემადგენელი ნაწილია, რომელიც მიმართულია პროგრამის "ევროპული მოხალისეობრივი სერვისი" პოპულარიზიციისაკენ საქართველოს რეგიონებში. კამპანიის ფარგლებში უკვე ჩატარდა რამდენიმე შეხვედრა ახალგაზრდებთან და ასეთი შეხვედრების ციკლი კვლავაც ვაგრძელდება. EVS INFO

14-15 ნოემბერი 2010 - ორგანიზაციის წარმომადგენელმა მონაწილეობა მიიღო ტრენინგში *საზოგადოებრივი ორგანიზაციებისათვის სოციალურ მეწარმეობა*. ტრენინგი ჩატარდა სოციალური მეწარმეობის ხელმშეწყობის პროექტის ფარგლებში, რომელსაც 2009 წლიდან ანხორციელებს "ბრიტანეთის საბჭო" საქართველოს სტრატეგიული კვლევებისა და განვითარების ცენტრის, ევრაზიის თანამშრომლობის ფონდისა და სამოქალაქო საზოგადოების ინსტიტუტის პარტნიორობით.

13 ნოემბერი 2010 - ორგანიზაციის გამგეობის თავმჯდომარემ მონაწილეობა მიიღო "აღმოსავლეთის პარტნირობის" საქართველოს ეროვნული პლატფორმის საკოორდინაციო შეხვედრაში.

11 ნოემბერი 2010 - პოლონელი მოხალისის - სილვია სკრზიპჩიკის ინიციატივით სოფელ მერიის საჯაროს სკოლის ბაზაზე არსებული *ევროკლუბის* წევრებმა ორგანიზება გაუკეთეს "პოლონეთის დღეს".

19-22 ოქტომბერი 2010 - ორგანიზაციის  საერთაშორისო პროგრამების კოორდინატორი სასწავლო ვიზიტით იმყოფებოდა კიევში. ვიზიტი ორგანიზებული იყო "ევროპის სახლის" მიერ პროგრამის *ევროპული მაკავშირებელი რგოლები - კავშირი ევროპული მომავლისათვის* ფარგლებში, რომელიც ხორციელდებოდა "PAUCI Foundation" პარტნიორობით, დაფინასებულია "Black Sea Trust for Regional Cooperation"-ის მიერ.

16 ოქტომბერი 2010 - "სტუდენტურ-ახალგაზრდული სათათბიროს" ოფისში გაიმართა ორგანიზაციის ბაზაზე მომუშავე ახალგაზრდული ჯგუფებისათვის გამოცხადებული მცირე საგრანტო კონკურსის გამარჯვებულთა დაჯილდოვება. გამარჯვებულები არიან: გუნდი "SMILE" - ბაჩი სადრაძე, მარი დოლიძე, დათო ძნელაძე, მარი კალატოზი. პროექტი *ინტელექტუალური თამაშების ოზურგეთის ჩემპიონატი მასწავლებლებს შორის*, პროექტის ბიუჯეტია 176 ლარი; გუნდი "მიზანსწრაფულები" - ვაკო ქარჩავა,  ანრი ნაცვალაძე, მარი დონდოლაძე, მიშიკო მაისურაძე, ნიკა საბაშვილი.  პროექტი *მე მიყვარს ოზურგეთი*, პროექტის ბიუჯეტია 180 ლარი; სოფელ მერიის საჯარო სკოლის "ევროკლუბი" - ხათუნა გულიკაშვილი, ალიკა ვასაძე, სალომე ლომჯარია, სალომე კოსტავა. პროექტი  *გვაროვნული წყობილება*, პროექტის ბიუჯეტია 136 ლარი.

12 ოქტომბერი 2010 - დაიწყო პროექტის "ახალგაზრდა ლიდერთა პროგრამის" განხორციელება. ამ ეტაპზე ჩატარდა პრესკონფერენცია და მოეწყო შეხვედრა ოზურგეთის მუნიციპალიტეტის საჯარო სკოლების დირექტორებთან, რომელთაც წარედგინა პროექტის შინაარსი, ასევე დაიწყო გაზეთ *ნოტა ბენეს* სპეციალური ნომრების გამოცემა, რომლებშიც განთავსებული იქნება პროგრამის მონაწილის ანკეტები.

10-12 სექტემბერი 2010 - "სტუდენტურ-ახალგაზრდული სათათბიროს" ტრენერების მიერ ორგანიზაციის ბაზაზე მომუშავე ახალგაზრდული ჯგუფების წევრებისათვის ჩატარდა ტრენინგ კურსები თემებზე: ორგანიზაციული მუშაობა, პროექტების მენეჯმენტი. მონაწილეთათვის ორგანიზაციის შიგა რესუსრების გამოყენებით გამოცხადდა მცირე საგრანტო კონკურსი.

28 ივლისი 2010 წელი - "სტუდენტურ-ახალგაზრდული სათათბიროს" ოფისში შედგა ევროპის მოხალისეობრივი სერვისის მონაწილეთა შეხვედრა და ასევე სამუშაო შეხვედრაც ახალი პროექტების მოსამზადებლად, რომელსაც ესწრებოდნენ ყოფილი EVS  მოხალისეები: ბაია ბარქაია, ნათია ადამია, ია მგელაძე და ლერი ყურაშვილი და ასევე ახალი მოხალისეებიც, ვინც პოლონეთში მიემგზავრება პროგრამის ფარგლებში: ნათია მჟავია და ანა მგელაძე. ყოფილმა მოხალისეებმა მათ თავიანთი გამოცდილება გაუზიარეს. შეხვედრის დროს ხაზი გაესვა იმ გარემოებას, რომ ინფორმაცია  ახალგაზრდობა მოქმედებაში და EVS პროგრამის შესახებ ნაკლებად ხელმისაწვდომია რეგიონის ახალგაზრდებისათვის. "სტუდენტურ-ახალგაზრდული სათათბირო" და ყოფილი მოხალისეები შეთანხმდნენ, რომ ჩასატარებელია საინფორმაციო შეხვედრები ახალგაზრდებისათვის. სექტემბრის თვიდან დაიწყება ეს შეხვედრები გურიის და სამეგრელოს ახალგაზრდებისათვის (განსაკუთრებულად სოფლად მაცხოვრებელი). "სათათბირო" თავის თავზე აიღებს ამ შეხვედრების საჭირო ტექნიკურ ხარჯებს.

6-8 ივლისი 2010 - ქალაქ უკრაინკაში (უკრაინა) პროექტის "ქალაქის მდგრადი განვითარება"  ფარგლებში ჩატარდა საერთაშორისო სემინარი.  მასში მონაწილეობას იღებდნენ პროექტის მონაწილე ქალაქებისა და პარტნიორი ორგანზიაციების წარმომადგენლები. სემინარის თემა იყო პროექტის სამომავლო გეგმების და ორგანზიაციული საკითხების განხილვა.  სემინარის მონაწილეებს ასევე შესაძლებლობა ჰქონდათ დასწრებოდნენ "უკრაინის პატარა ქალაქების ასოციაციის" ყოველწლიურ ფორუმს.

2 ივლისი 2010 - ახალგაზრდული კავშირის *ევროკლუბი* ინიციატივით ჩატარდა ღონისძიება *მსოფლიო არდადეგები*, რომლის მეშვეობითაც მოსწავლეებს არდადეგების დაწყება მიულოცეს. ღონისძიების პარტნიორები იყვნენ: ოზურგეთის სამხატვრო სკოლა და "სტუდენტურ-ახალგაზრდული სათათბირო". *მსოფლიო არდადეგების* ფარგლებში ჩატარდა: ასფალტზე ხატვა, სახეზე ხატვა, მკლავჭიდი, ბურთის კენწვლა, სახალისო ვიქტორინა, თოკების გადაზიდვა, შეჯიბრი მაგიდის ჩოგბურთში და *წუწაობა*.  ღონისძიების სპონსორები იყვნენ: შ.პ.ს. "ვასაძის პური", სადაზღვევო კომპანია "ირაო", ბენზინგასამართი სადგური "ლუკოილი", გურიის სამხარეო პროკურატურა, ინდივიდუალური მეწარმე ვასილ ბეშიტაიშვილი და "პროკრედიტ ბანკის" ოზურგეთის ფილიალი. VIDEO

.

14 ივნისი 2010 წელი - ევროსაბჭოს "ევროპის ახალგაზრდული ფონდის" მიერ დაფინანსებული იქნა პროექტი *ონლაინ ტრეინინგ პროგრამა ადამიანთა უფლებების სფეროში ევროპული ორგანიზაციების ახალგაზრდა წევრებისათვის*. პროექტის ძირითადი განმახორციელებელია "Respect Refugiados"  (ესპანეთი), ხოლო "სათათბირო" წარმოადგენს პროექტის პარტნიორ ორგანიზაციას საქართველოდან.

 

6-12  ივნისი 2010 - ორგანიზაციის გამგეობის თავმჯდომარემ მონაწილეობა მიიღო ევროსაბჭოს "ევროპის ახალგაზრდული ფონდის" მიერ დაფინანსებული პროექტის *იმოქმედე ახლა ძალადობის შესაჩერებლად* ფარგლებში გამართულ საერთაშორისო ვიდეო უორქშოფში. პროექტის განმახორციელებელი ორგანიზაციაა "CE.S.I.E Onlus - Centro Studi ed Iniziative Europeo" (იტალია). პროქტის ფარგლებში შემუშავდა სტრატეგია ძალადობის სხვადასხვა ფორმებთან საბრძოლველად, შემოთავაზებული იქნა შემოქმედებითი მეთოდი მოკლემეტრაჟიანი ვიდეო ფილმის შექმის გზით და მისი გამოყენებისა ძალადობის წინააღმდეგ. VIDEO_1     VIDEO_2

 

11 მაისი 2010 წელი - ქ. ოზურგეთში გაიმართა პროექტის *ქალაქის მდგრადი განვითარება* პრეზენტაცია. რომელსაც ესწრებოდნენ: პროექტის კოორდინატორი ვალენტინა პოლტავეცი, ქალაქ უკრაინკის მერი - პაველ კოზირევი, ოზურგეთის მუნიციპალიტეტის თვითმმართველობის, სამოქალაქო საზოგადოების და პრესის წარმომადგენლები.  პროექტი ხორციელდება ქალაქ უკრაინკის (უკრაინა) ქალაქის საბჭოს აღმასრულებელი კომიტეტის მიერ ევროკომისიის პროგრამის "თანამშრომლობა და დიალოგი ადგილობრივი განვითარების სფეროში" (CIUDAD)  ფარგლებში. პროექტის პარტნიორებია: "უკრაინის პატარა ქალაქების ასოციაცია" (უკრაინა); "შემოქმედებითი ცენტრი ტცკ" (უკრაინა); "ადგილობრივი დემოკრატიის განვითარების ფონდის" ლიუბლინის ცენტრი (პოლონეთი); ქალაქ ნოვოლუკომის ქალაქის საბჭოს აღმასრულებელი კომიტეტი (ბელორუსია); "სტუდენტურ-ახალგაზრდული სათათბირო" (საქართველო). პროექტი სამწლიანია და მის ფარგლებში ქალაქ ოზურგეთს მიეცემა საშულება აიმაღლოს თავისი ეკონომიკური დონე, გააქტიუროს სამოქალაქო საზოგადოება, შეიმუშავოს და დანერგოს ქალაქის განვითარების სტრატეგია.

31 მარტი 2010 - "სტუდენტურ-ახალგაზრდული სათათბიროს" ბაზაზე დაიწყო ფუნქციონირება *ახალგაზრდულმა საინფორმაციო ცენტრმა*. ცენტრის ძირითადი ამოცანებია: ახალგაზრდულ შესაძლებლობათა შესახებ რეგიონის ახალგაზრდების ინფორმირებულობის დონის ამაღლება; ინფორმაციის ხელმისაწვდომობის ხელშეწყობა; ახალგაზრდებისათვის კონსულტაციის გაწევა მათთვის აქტუალურ საკითხებზე; ახალგაზრდობის ჩართულობის ხელშეწყობა სამოქალაქო საზოგადოების განვითარების პროცესში. *ახალგაზრდული საინფორმაციო ცენტრი* მუშაობს ყოველდღე (შაბათ-კვირის გარდა) 10-18 სთ. მისამართი: ოზურგეთი, გაბრიელ ეპისკოპოსის 3. საკონტაქტო პირი - სოფიო კოსტავა. პროექტი *ახალგაზრდული საინფორმაციო ცენტრის წარმომადგენლობები რეგიონში* ხორციელდება "საქართველოს ახალგაზრდული ორგანიზაციების ფორუმის" მიერ "სამოქალაქო ინსტიტუციონალიზმის განვითარების ფონდის" ფინანსური მხარდაჭერით. პრეზენტაცია

30 მარტი 2010 - პოლონელი მოხალისის ბართოლომეი იოსჩუკის ინიციატივით და "სტუდენტურ-ახალგაზრდული სათათბიროს" მხარდაჭერით განხორციელდა სოფელ მერიის საჯარო სკოლის ბაზაზე ფუნქციონირებადი *ევროკლუბის* სამუშაო ოთახის კოსმეტიკური რემონტი. სამუშაო ფართი გამოყოფილი იქნა სკოლის ადმინისტრაციის მიერ, რაზედაც დიდ მადლობას ვუხდით სკოლის დირექტორს - ავთანდილ კეჭაყმაძეს, ხოლო მის კეთილმოწყობაში აქტიურ მონაწილეობას იღებენ თავად *ევროკლუბის* წევრები. VIDEO

18 მარტი 2010 - ქალაქ უკრაინკაში (უკრაინა) ხელი მოეწერა პროექტის *ქალაქის მდგრადი განვითარება* პარტნიორულ შეთანხმებას. პროექტს ანხორციელებს ქალაქ უკრაინკის ქალაქის საბჭოს აღმასრულებელი კომიტეტი (უკრაინა) პარტნიორ ორგანიზაციებთან: "უკრაინის პატარა ქალაქების ასოციაცია" (უკრაინა); "შემოქმედებითი ცენტრი ტცკ" (უკრაინა); "ადგილობრივი დემოკრატიის განვითარების ფონდის" ლიუბლინის ცენტრი (პოლონეთი); ქალაქ ნოვოლუკომის ქალაქის საბჭოს აღმასრულებელი კომიტეტი (ბელორუსია); "სტუდენტურ-ახალგაზრდული სათათბირო" (საქართველო) თანამშრომლობით. პროექტი მხარდაჭერილია ევროკავშირის მიერ, პროგრამის "თანამშროლობა და დიალოგი ადგილობრივი განვითარების სფეროში" (CIUDAD) ფარგლებში.

მარტი 2010 - "გურიის ინტელექტ კლუბის რა? სად? როდის?", რომლის ერთ-ერთი დამფუძნებელი "სტუდენტურ-ახალგაზრდული სათათბიროა", წევრებმა მონაწილეობა მიიღეს  თბილისის ახალგაზრდული ლიგის ინტელექტუალურ თამაშში “რა? სად? როდის?” (სპორტული ვერსია) ჩემპიონატში. გურია წარდგენილი იყო ორი გუნდით: *გურია* - კაპიტანი ბაჩი სადრაძე და *Festina Lente* - კაპიტანი თამაზ ჟღენტი.

25 თებერვალი 2010 - "სტუდენტურ-ახალგაზრდული სათათბიროში" მომუშავე პოლონელი მოხალისის ბართოლომეი იოსჩუკის ინიციატივით, სოფელ მერიის საჯარო სკოლის ბაზაზე ფუნქციონირებად სასკოლო ევროკლუბის წევრებისათვის ჩატარდა ტრენინგი მოწვეული ტრენერის მალგორზატა პაცულას დახმარებით. VIDEO

7-13 თებერვალი 2010 - პროექტის *თანამშრომლობის დაფუძნება სოფლად არსებულ ევროპის სასკოლო კლუბებს შორის უკრაინასა და საქართველოში* ფარგლებში განხორციელდა "სტუდენტურ-ახალგაზრდული სათათბიროს" ბაზაზე ფუნქციონირებადი სასკოლო ევროკლუბების წევრების სასწავლო/გაცნობითი ვიზიტი უკრაინაში მოქმედ სასკოლო ევროკლუბებში (ქალაქებში: პერეჩინ, ველიკიე მოსტი, ჩერვონოგრად). პროექტი მხარდაჭერილი იყო პროგრამის "აღმოსავლეთი აღმოსავლეთი: პარტნიორობა საზღვრებს გარეშე" ფარგლებში და მას ანხორციელდებდა "ევროპული დიალოგის საზოგადოება" (ლვოვი, უკრაინა) და "სტუდენტურ-ახალგაზრდული სათათბირო".  FOTO

12 იანვარი 2010 - "სტუდენტურ-ახალგაზრდული სათათბიროს" გამგეობის გადაწყვეტილებით *ევროკლუბების* მუშაობის ეფექტურობის, გაძლიერების და პოპულარიზაციის მიზნით მიღებული იქნა გადაწყვეტილება ახალგაზრდული  კავშირის *ევროკლუბის* დაფუძნების შესახებ. VIDEO

15 დეკემბერი 2009 - ორგანიზაციის წევრმა, ადგილობრივი პროექტების კოორდინატორმა სოფიო კოსტავამ მონაწილეობა მიიღო კონფერენციაში: *ზრდასრულთა სათემო განათლება საქართველოში*, რომლის ორგანიზატორი იყო "საქართველოს ზრდასრულთა განათლების ასოციაცია"

11-13 დეკემბერი 2009 - ორგანიზაციამ მონაწილეობა მიიღო *საქართველოს ახალგაზრდულ ორგანიზაციათა ფორუმში", რომელიც უკვე მესამედ გაიმართა. ფორუმის ვებ გვერდი. 

25 ნოემბერი 2009 - "გურიის ინტელექტ კლუბის რა? სად? როდის?" ხელმძღვანელობის მიერ შეირჩა ოზურგეთის ნაკრები გუნდის წევრები: შარაშენიძე გიორგი, ჟღენტი თამაზი, ჯაბუა შოთა, ქარჩავა ვაკო, სიამაშვილი დავით, დონაძე შალვა, ხმელიძე ნინო, სადრაძე ბაჩი, ესაძე სალომე, ერქომაიშვილი კოტე, საბაშვილი ნიკა, მაისურაძე მიშიკო, დოლიძე მარი. ამ ეტაპზე ისინი გადიან ინტენსიურ მომზადებას და ემზადებიან გასვლითი ამხანაგური თამაშებისათვის. 

14-22 ნოემბერი 2009 - "გურიის ინტელექტ კლუბმა რა? სად? როდის?" ჩაატარა გურიის ღია ჩემპიონატი სკოლის მოსწავლეთა შორის თამაშში *ბრეინ-რინგი*, რომელშიც მონაწილეობა მიიღო სულ 17 გუნდმა, ხოლო გამარჯვებული გახდა გუნდი *ლოგოსი*. 

28-31 ოქტომბერი 2009 - ორგანიზაციის გამგეობის თავმჯდომარე ნათია გიგიაძემ მონაწილეობა მიიღო ქალაქ ნანტში (საფრანგეთი) გამართულ საერთაშორისო ფორუმში სახელწოდებით *ნანტის შემოქმედებითი თაობები*VIDEO 

26-27-28 ოქტომბერი 2009 - გაიმართა მშვიდობისა და ადამიანის უფლებების სამხრეთკავკასიური კინოფესტივალი *მე-ადამიანი* (www.ya-chelovek.caucasus.net/). პროექტის ფინანსური მხარდაჭერებია: ფონდი ღია საზოგადოება - საქართველო (www.osgf.ge/), ჰაინრიჰ ბიოლის ფონდი (www.boell.ge/), შავი ზღვის ფონდი (www.gmfus.org/), სომხეთის ევრაზიის თანამშრომლობის ფონდი (www.epfound.am/), შვეიცარიის საელჩო საქართველოში (www.eda.admin.ch/). VIDEO

8-19 სექტემბერი 2009 - ორგანიზაცია მასპინძლობდა ურეკში გამართულ ახალგაზრდულ გაცვლით პროგრამას *არგონავტების ფილმი – ევროპული იდენტურობის ძიება*, ღონისძიების ფარგლებში 4 ქვეყნის წარმომადგენელმა ახალგაზრდებმა (პოლონეთი, გერმანია, უკრაინა, საქართველო) თავად შექმნეს ფილმის სცენარი, რომლის საფუძველზეც გადაღებული იქნა რამდენიმე მოკლემეტრაჟიანი ფილმი. FOTO

სექტემბერი 2009 - ორგანიზაციის მხარდაჭერით დაიწყო ოზურგეთის მუნიციპალიტეტის საჯარო სკოლების უფროსკლასელებისთვის განკუთვნილი პერიოდული საინფორმაციო ორგანოს "ნოტა ბენეს" გამოცემა. იდეის ავტორი იყო "ახალგაზრდა ლიდერთა პროგრამის" ერთ-ერთი გამარჯვებული – სოფო გორდელაძე, ხოლო გაზეთის გუნდის გადამზადება შესაძლებელი გახდა პროექტის "საკონტაქტო წერილი კულტურებს შორის" ფარგლებში ევროპელი მოხალისის იოანა კორგულის მიერ. გარდა სხვადასხვა შესაძლებლობებთან დაკავშირებული ინფორმაციისა, გაზეთში ადგილი აქვს დათმობილი სკოლის მოსწავლეთა თვითშემოქმედებასაც, "ნოტა ბენე" გამოდის თვეში ერთჯერ, ტირაჟით 3500 ცალი და უფასოდ ვრცელდება ოზურგეთის მუნიციპალიტეტის საჯარო სკოლების 9-12 კლასების მოსწავლეებში. VIDEO

სექტემბერი 2009 - პოლონელი მოხალისის მაგდალინა მიკას ინიციატივით მოხდა ფილმის *დავიწყებული პროფესიები* გადაღება. მასში მოთხრობილია ისტორიები ერთ დროს მეტად პოპულარული და სოფელში საჭირო პროფესიების შესახებ, რომლებსაც ამ პროფესიების უკანასკნელი ოსტატები ჰყვებიან. ფილმი გადაღებული იქნა ოზურგეთის მუნიციპალიტეტის ერთ-ერთ ძველ სოფელში ლიხაურში, მისი იდეაა აღნიშნული პროფესიების პოპულარიზაცია ახალგაზრდებში.

13-18 აგვისტო 2009 - ორგანზიზაციის ინიციატივით *ევროკლუბების* წევრებისათვის სოფელ ასკანაში ჩატარდა ტრენინგ ბანაკი *გუნდური მუშაობა და გუნდში კომუნიკაცია*, ბანაკი საცდელ ხასიათს ატარებდა, ხოლო მისი პროგრამა მომზადებული იყო ორგანიზაციაში მომუშავე მოხალისეების მიერ, ბანაკს კურატორობას უწევდა ბართოლომიეი იოსჩუკი. VIDEO

აგვისტო 2009 - პოლონელი მოხალისეების - მაგდალინა მიკას და იოანა კორგულის  ინიციატივით ოზურგეთის მუნიციპალიტეტის სოფელ ლიხაურის საჯარო სკოლის მოსწავლეებისათვის განხორციელდა პროექტი *მოდით, წავიდეთ და გამოვიკვლიოთ!*. ბავშვებმა მოხალისეების დახმარებით შეადგინეს თავისი სოფლის რუკა, რომელზეც აღნიშნეს  სოფლის ყველა ღირსშესანიშნაობა, ასევე ადგილზე ორგანიზება გაუკეთდა პატარა ექსკურსიასაც. პროექტის იდეა იყო, რომ ბავშვებს უკეთ გაეცნოთ თავისი სოფელი, გაეზრებინათ სოფლის მნიშვნელობა, რათა გამხდარიყვნენ მისი ღირსეული მაცხოვრებლები. VIDEO

11 ივლისი 2009 - პოლონელი მოხალისის პატრიცია კუროვსკას ინიციატივითა და ორგანიზებით გაიმართა გარემოსდაცვითი აქცია - *მოცეკვავე ეკოლოგია*, რომელშიც მონაწილეობას იღებდა *ევროკლუბების* წევრები. აქციის ფარგლებში მონაწილეებმა სხვადასხვა  სამუშაო მეთოდების გამოყენებით (თეატრალური დადგმა, ცეკვა, მოდების ჩვენება) დამსწრებს მიუთითეს ეკოლოგიის დაცვის აუცილებლობაზე. VIDEO 

ივნისი 2009  - დასრულდა "სტუდენტურ-ახალგაზრდული სათათბიროსა" და დამოუკიდებელი რეგიონალური გაზეთის "გურიის მოამბეს" ერთობლივი პროექტი *ახალგაზრდა ლიდერთა პროგრამა*. პროექტის მიზანი იყო ახალგაზრდების სამოქალაქო აქტივობის გაზრდა და ლიდერობის უნარ-ჩვევების განვითარების ხელშეწყობა. პროექტში მონაწილეობა მიიღეს ოზურგეთის მუნიციპალიტეტის საჯარო სკოლების IX-XI კლასის მოსწავლეებმა, სულ შემოვიდა 197 ანკეტა, რომელთა საფუძველზეც შერჩეული იქნა 30 ნახევარფინალისტი. რომლებიც დაიყვნენ 2 ჯგუფად და "სტუდენტურ-ახალგაზრდული სათათბიროს" ტრენერებმა მათ ჩაუტარეს ტრენინგების ციკლი. პროექტის ფარგლებში ჯგუფებმა ცალ-ცალკე დაგეგმეს და განახორციელეს ორ-ორ ღონისძიება. პროექტის გამარჯვებული გახდა 12 მოსწავლე, ყოველმა მათგანმა მიიღო შეთავაზება გააგრძელონ თავიანთი საქმიანობა ახალგაზრდული ინიციატივების განხორციელების კუთხით "სათათბიროსთან" ერთად. პროექტი *ახალგაზრდა ლიდერთა პროგრამა* საქართველოში პირველად განახორციელა კახეთის რეგიონში გაზეთ "კახეთის ხმამ" და პროექტის განხორციელებაში "მსოფლიოს პრესის ასოციაციის" (World Association Newspapers) "ახალგაზრდა მკითხველთა პროგრამის" (World Young Reader) ჟიურის პრიზი მოიგო ნომინაციაში "ინოვაციური პროექტი". VIDEO_1   VIDEO_2   VIDEO_3

15-26 მაისი 2009 - "გურიის ინტელექტ კლუბმა რა? სად? როდის?" ჩაატარა პირველი საცდელი თამაშები ოზურგეთის მუნიციპალიტეტის საჯარო სკოლების მოსწავლეთა შორის. მონაწილეობა მიიღო სულ 20 საჯაროო სკოლის გუნდმა, ხოლო გამარჯვებული გახდა ოზურგეთის მუნიციპალიტეტის # 1 საჯარო სკოლის გუნდი *ევერესტი*.

მაისი 2009 - "სტუდენტურ-ახალგაზრდული სათათბიროს" ინიციატივით ოზურგეთში დაფუძნდა "გურიის ინტელექტ კლუბი რა? სად? როდის?", რომელიც ხელს შეუწყობს მოსწავლე-ახალგაზრდებში ინტელექტუალური თამაშების ფართოდ დანერგვას, პოპულარიზაციას და განვითარებას, მათ მომზადებას სხვადასხვა დონისა და სახეობის ინტელექტუალურ შეჯიბრებებში მონაწილეობისათვის. ჩვენთან ერთად კლუბის დამფუძნებლებია: ოზურგეთის მუნიციპალიტეტის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახური; ოზურგეთის საგანმანათლებლო რესურსცენტრი; ოზურგეთის პროფესიული სწავლების ცენტრი და დამოუკიდებელი სამაუწყებლო კომპანია "გურია".

მარტი 2009 - "სტუდენტურ-ახალგაზრდული სათათბიროს" გამგეობის თავმჯდომარე - ნათია გიგიაძე, მიწვეული იქნა სასწავლო ვიზიტში *ახალგაზრდული საქმიანობის რეალობა  ავსტრიასა და ბელგიაში* მონაწილეობის მისაღებად. ორგანიზატორები: ავსტრიისა და ბელგიის ნაციონალური სააგენტოები და SALTO რესურსცენტრი აღმოსავლეთ ევროპასა და კავკასიაში. 

თებერვალი 2009  - "სტუდენტურ-ახალგაზრდული სათათბიროს" გამგეობის თავმჯდომარე - ნათია გიგიაძე,  მიწვეული იქნა ფინეთში SOHO ტრეინინგზე, რომელიც განკუთვნილი იყო პროგრამის *ახალგაზრდობა მოქმედებაში* არსებული "მოქმედება 2"-ში *ევროპის მოხალისეთა სერვისი* მომუშავე მოხალისეების გამგზავნი და მიმღები ორგანიზაციებისათვის (Sending Organization - Hosting Organization). ორგანიზატორები: ფინეთის ნაციონალური სააგენტო და SALTO რესურსცენტრი აღმოსავლეთ ევროპასა და კავკასიაში. 

1 ივნისი 2008 - გაიმართა მოხალისეობრივი აქცია არარეგისტრირებული კავშირის "მზიანი ეზოსა" და ორგანიზაციაში მომუშავე პოლონელი მოხალისეების ორგანიზატორობით, რომელშიც მონაწილეობას იღებდნენ ოზურგეთში ფუნქციონირებული საბავშვო ბაღების აღსაზრდელები. პატარებმა ოზურგეთის ცენტრალურ პარკში დათესეს ყვავილები, რომელთა თესლებიც სპეციალურად იქნა ჩამოტანილი პოლონეთიდან. ამავე დღეს ჩვენი პარტნიორი ფოლკლორულ-ინსტრუმენტული ანსამბლის "ედელვაისისა" და ქ. ზუგდიდში მყოფი მოხალისის დაგმარა სკუბიჟევსკა ინიციატივით გაიმართა კონცერტი სენაკის უნარშეზღუდულთა პანსიონის ბინადრებისათვის და მათ გადაეცათ ტკბილეული და სამახსოვრო საჩუქრები.

9-10 დეკემბერი 2007 - ორგანიზაციამ მონაწილეობა მიიღო *საქართველოს ახალგაზრდულ ორგანიზაციათა ფორუმში* (www.apd.ge/).

9 ნოემბერი 2007 - ორგანიზაციამ მონაწილეობა მიიღო ღონისძიებაში, რომელიც ორგანიზებული იქნა საერთაშორისო  ორგანიზაციის "ევროპული ქსელი ნაციონალიზმის, რასიზმის, ფაშიზმის წინააღმდეგ  და მიგრანტების და ლტოლვილების მხარდასაჭერად – UNITED"  - მიერ. ჩვენც შევუერთდით *საერთაშორისო დღეს ფაშიზმისა და ანტისემიტიზმის წინააღმდეგ* და მოვახდინეთ ღონისძიების ორგანიზება სახელწოდებით *გვახსოვხართ!*, რომლის ფარგლებში ორგანიზაციის ბაზაზე არსებულმა ბავშვთა საინიციატივო ჯგუფმა ”მზიანმა ეზომ” ქალაქის 5 სკოლაში გააკრა პლაკატები, მათ ასევე მოაწყვეს შეხვედრა მეორე მსოფლიო ომის ვეტერანებთან - სადაც მოწვეული სტუმრები ბავშვებს ესაუბრნენ ომის საშინელებებზე, ბრძოლებზე ფაშისტების წინააღმდეგ და ასევე სხვა თემებზე, რომლებიც უკავშირდებოდა ფაშიზმს.

20 ივნისი 2007 - ორგანიზაციამ მონაწილეობა მიიღო ღონისძიებაში, რომელიც ორგანიზებული იქნა საერთაშორისო  ორგანიზაციის "ევროპული ქსელი ნაციონალიზმის, რასიზმის, ფაშიზმის წინააღმდეგ  და მიგრანტების და ლტოლვილების მხარდასაჭერად – UNITED"  - მიერ. *ლტოლვილთა საერთაშორისო დღესთან* დაკავშირებით ორგანიზაებული იქნა ღონისძიება  *ერთად და ცალკე*. ღონისძიების ფარგლებში ნაჩვენები იქნა დოკუმენტური ფილმი *ერთად და ცალკე*, რომელიც მოგვაწოდა  "ინტერნიუს - საქართველომ", ღონისძიება გაიმართა კინოთეატრ ოზურგეთში უფასოდ.

13 ივნისი 2007 - ორგანიზაცია შეუერთდა ღონისძიებას *United Colors of Europe, a hot season for Graffs*, რომლის განხორციელებაც უზრუნველყოფილი იქნა - "ევროპული ახალგაზრდული კამპანია მრავალფეროვნების, ადამიანის უფლებებისა და მონაწილეობისათვის: ყველა განხვავებული – ყველა თანასწორი" ფარგლებში. ადგილობრივ დონეზე ჩვენმა ორგანიზაციამ მოაწყო  ასფალტზე ხატვის კონკურსი რეგიონის მოზარდებს შორის თემაზე - ”ყველა განსხვავებული, ყველა თანასწორი” და გავრცელებული იქნა საინფორმაციო მასალები აღნიშნული კამპანიის შესახებ.

8-9 ივნისი 2007 - ორგანიზაციამ მონაწილეობა მიიღო პროექტში *საქართველოს არასამთავრორბო ორგანიზაციების სამოქმედო გეგმა*, რომელსაც ანხორციელებდა "ინტერნიუს - საქართველო" - ფინალური შეხვედრა გაიმართა ქ. ბორჯომში, პროექტის ფინანსური მხარდაჭერა უზრუნველყო  ფინდმა - National Endowment for Democracy (NED).

9-13 მაისი 2007 - ორგანიზაციის წარმომადგენლებმა მონაწილეობა მიიღეს პროექტში *სომხეთის საპარლამენტო არჩევნების ახალგაზრდული სადამკვირვებლო კამპანია*, რომელიც განხორციელდა "სომხეთის ახალგაზრდული კლუბების ფედერაციის", მიერ "ევროპული ახალგაზრდული კამპანია მრავალფეროვნების, ადამიანის უფლებებისა და მონაწილეობისათვის: ყველა განხვავებული – ყველა თანასწორი" ფარგლებში.

4-5 მაისი 2007 - ორგანიზაციამ მონაწილეობა მიიღო ”საქართველოს საზოგადოებრივი ორგანიზაციების მეორე გამოფენა/ფორუმში” .

9 დეკემბერი 2006 - ორგანიზაციამ მონაწილეობა მიიღო საერთაშორისო ორგანიზაციის "ევროპული ქსელი ნაციონალიზმის, რასიზმის, ფაშიზმის წინააღმდეგ და მიგრანტების და ლტოლვილების მხარდასაჭერად – UNITED" - მიერ  ორგანიზებულ ღონისძიებაში, რომელიც უკავშირდებოდა *საერთაშორისო დღეს ფაშიზმისა და ანტისემიტიზმის წინააღმდეგ*, ჩვენ მიერ ორგანიზებული იქნა ღონისძიება  ”გახსოვდეს!” - რომლის ფარგლებშიც უზრუნველყოფილი იქნა საინფორმაციონ ლიფლეტებისა და პლაკატების გავრცელება, მხატვრული ფილმების ჩვენება (”პიანისტი”, ”ამერიკული ისტორია”) და დისკუსია ფილმების თემებზე.

21  სექტემბერი  2006 - ორგანიზაციამ უზრუნველყო საინფორმაციო კამპანიის მოწყობა საერთაშორისო ღონისძიების *Peace One Day*-ს ფარგლებში, იმის გამო, რომ ინფორმაცია აღნიშნულ დღესთან დაკავშირებით ნაკლებად ცნობილია როგორც საქართველოში, მითუმეტეს ჩვენს რეგიონშიც, ”სათათბირომ” გადაწყვიტა საინფორმაციო ლიფლეტების გავრცელება ჩვენს რეგიონში. აღნიშნულ თარიღთან დაკავშირებით ორგანიზებული იქნა ასევე სპეციალური ფილმის ჩვენება სკოლების მოსწავლეებისა და უმაღლესი სასწავლებლების სტუდენტებისათვის, რომელიც ეძღვნებოდა *მშვიდობის ერთ დღეს*.

7-12 ივნისი 2006 - ორგანიზაციამ მონაწილეობა მიიღო საერთაშორისო სემინარში *3+3 ბალტიისპირეთი-კავკასია: თანამშრომლობა, როგორც ფორმატი მოქალაქეების აქტიური მონაწილეობის პოპულარიზაციისა ახალგაზრდულ პოლიტიკაში გადაწყვეტილების მიღების პროცესში”. სემინარი გაიმართა ლუსაკერტში (სომხეთი), რომლის ორგანიზატორიც იყო ”სომხეთის ახალგაზრდული კლუბების ფედერაცია”, სემინარი გაიმართა "ევროპული ახალგაზრდული კამპანია მრავალფეროვნების, ადამიანის უფლებებისა და მონაწილეობისათვის: ყველა განხვავებული – ყველა თანასწორი" ფარგლებში, რომელში მონაწილეობდნენ  ახალგაზრდული ორგანიზაციების წარმოადგენლები:  სომხეთიდან,  საქართველოდან, ესტონეთიდან ლატვიიდან და ლიტვიდან,

25-26 მაისი 2006 - მონაწილეობა მივიღეთ კამპანიაში *კავკასია ძალადობის გარეშე*, რომელიც ორგანიზებულ იქნა საერთაშორისო კავშირ ”ერთობასთან”  პარტნიორობით. ძალადობის საწინააღდეგო პროექტი მიზნად ისახავდა ახალგაზრდების შემოკრებას და მობილიზებას ძალადობის ფორმების პრევენციისათვის. ღონისძიების ფარგლებში ორგანიზებული იქნა ბავშვების მიერ შესრულებული ნახატების გამოფენა, რომლებიც მიმართული იყო ძალადობის წინააღმდეგ, ასევე სხვადასხვა სახის კონკურსები და ასფალტის მოხატვა.

5 დეკემბერი 2005 - ორგანიზაციის წევრებმა მოხალისეობის საერთაშორისო დღესთან დაკავშირებით მოახდინეს საქველმოქმედო ღონისძიების ორგანიზება ბავშვებისათვის, მათ ასევე შეაგროვეს ტკბილეული, სათამაშოები და გადასცეს საბავშვო ბაღებს.

17 ნოემბერი 2005 - ჩვენი რეგიონის სასწავლებლების სტუდენტთათვის ორგანიზებული იქნა საინფორმაციო კამპანია,  რომელიც დაკავშირებული იყო სტუდენტთა საერთაშორისო დღესთან.

5-10 აგვისტო 2005 - მეორე *ახალგაზრების მოხალისეობრივი ბანაკი* რეგიონში. ჩვენი ორგანიზაციის 15 წევრი იმყოფებოდა ჯიხეთის მონასტერში, სადაც ასრულებდნენ სხვადასხვა სახის სამუშაოს.

5 დეკემბერი 2004 - მოხალისეობის საერთაშორიო დღესთან დაკავშირებით  ორგანიზაებული იქნა ღონისძიება ‘სახელწოდებით ” გახდი დღეს მოხალისე, რათა მიხვდე, რომ სხვასაც სჭირდები!”.

21 აპრილი 2004 - ოზურგეთში აღიშნიშნა *ახალგაზრდული სერვისის გლობალური დღე*, ”გურიის ახალგაზრდულ რესურსცენტრთან” პარტნიორობით ღონისძიების ფარგლებში ”სათათბიროს” წევრებმა დაასუფთავეს ქალაქის ტერიტორიები და პარკში დარგეს ხეები.

აგვისტო-სექტემბერი, 2004 - რაიონის უფროსკლასელებისათვის განხორციელდა საინფორმაციო კამპანია კანონის *უმაღლესი განათლების შესახებ* გაცნობის მიზნით.

5-7 ივლისი 2004 - რეგიონის რეალობაში პირველი მოხალისეობრივი საზაფხულო ბანაკი. ახალგაზრდები იმყოფებოდნენ ”თამარის ციხეზე”, სადაც  დაასუფთავეს მიმდებარე ტერიტორიები.

ივნისი-აგვისტო, 2003 - გავრცელდა საინფორმაციო ლეფლეტები  მომხმარებელთა  *სამხედრო მოსამსახურეთა უფლებების შესახებ, რომელიც მოწოდებული იქნა ”უფლებისა და თავისუფლების ასოციაციის” მიერ, ამასთან ერთად, გადაუდებელ შემთხვევებში ხდებოდა იურიდიული კონსულტაციების გაწევა ჩვენი წევრებისა და ”უფლებისა და თავისუფლების ასოციაციის” წარმომადგენლების მიერ. ორგანიზებული იქნა საინფორმაციო შეხვედრები რეგიონის უფროსკლასელებთან,  რათა ისინი გაცნობოდნენ კანონმდებლობას სამხედრო სამსახურთან დაკავშირებით.

17 სექტემბერი 2003 - რეგიონალური სტუდენტური ფორუმი *ნაბიჯი მომავლისაკენ*.

7 იანვარი 2003 - გაერთიანება  *ტრიუმფთან* პარტნიორობით  ჩატარდა საშობაო საქველმოქმედო კონცერტი ობოლი ბავშვებისათვის, რომლებიც ცხოვრობდნენ ოზურგეთში,  შემოსული თანხა გადაეცა სკოლა-ინტერნატს.

2002/2003/2004 - ორგანიზაცია აქტიურად იყო ჩართული ”სტუდენტური დღეების” ორგანიზებაში (14 აპრილი - 26 მაისი) საქართველოს ახალგაზრდულ საქმეთა დეპარტამენტის ოზურგეთის რაიონულ განყოფილებასთან  პარტნიორობით (აღნიშნული ღონისძიებები იმართებოდა მთელი საქართველოს მასშტაბით).

2004/2005/2006 - ”სტუდენტურ-ახალგაზრდული სათათბირო”  იყო ძირითადი ორგანიზატორი ინტელექტუალური თამაშების ჩემპიონატებისა სოფლის სკოლების მოსწავლეთათვის.

2001/2002/2003/2004 - ინტელექტუალურ კავშირ *ერუდიტთან* ერთად ორგანიზაცია აქტიურად არის ჩართული სახვადასხვა სახის ინტელექტუალური თამაშების ორგანიზება/ჩატარებაში.

2001/2002/2003/2004 - ორგანიზებული იქნა სხვადასხვა სახის სპორტული შეჯიბრებები და ღონისძიებები საქართველოს ოლიმპიური კომიტეტის გურიის რეგიონალურ წარმომადგენლობასთან პარტნიორობით.

2001 წლიდან - ორგანზიაციის წევრები დამკვირვებლის სტატუსოთ მონაწილეობას იღებს ადგილობრივი თვითთმართველობის/მმართველობის, საპარლამენტო და საპრეზიდენტო არჩევნების მონიტორინგში.

 
Original design by ueberkrass Minor modifications by Levan Ghlonti